Polisi y’igihugu yataye muri yombi Umusore w’imyaka 33 y’amavuko wo mu murenge wa Rwamiko mu karere ka Gicumbi, akaba ashinjwa guteza umutekano muke, aho bivugwa ko byabaye nyuma yo gufata nyina ku ngufu.
Umuyobozi w’umurenge wa Rwamiko Jolie Beatrice yabwiye IGIHE ducyesha iyi nkuru ati: “Amakuru yo kuba akora amahano yo kuryamana na nyina natwe twayumvishe mu baturage gusa ntabwo aritwe tubyemeza kuko hari izindi nzego zibishinzwe, haracyari gukorwa iperereza”.
Abaturage bo muri kariya gace kabereyemo aya mahano bavuga ko byabaye tariki 20 Ukwakira 2024, bibera mu mudugudu wa Ntaremba, Akagari ka Nyagahinga mu murenge wa Rwamiko.
Aba baturage bavuze ko ahagana saa yine z’ijoro aribwo bumvise nyina w’uwo musore atabaza, inzego z’ibanze zirahagera, zijyana uwo musore.
Umuvugizi wa Polisi mu Ntara y’Amajyaruguru, SP Mwiseneza Bosco yavuze ko uwo musore wakoze aya mahano yatawe muri yombi nyuma yo guteza umutekano mucye mu baturage bagahurura nijoro.
Mu gihe iperereza rigikomeje, uwafashwe yafungiwe kuri sitasiyo ya Polisi ya Bukure.
SP Mwiseneza Bosco yavuze ko hagikorwa iperereza kugira ngo hamenyekane niba hari ibindi byaha yaba yarakoze.
Umukecuru bivugwa ko yahohotewe afite imyaka 55. Yari asanzwe abana n’umuhungu we mu nzu.
Tubibutse ko mushobora gukurikirana iki gitangazamakuru ku mbuga nkoranyambaga zacyo zemewe, mukazajya mugezwaho amakuru agezweho ako kanya.
Kanda hano udukurikirane (Follow) kuri Facebook Page yacu. Ushobora gukurikirana amakuru yose y’Urukundo agezweho ako kanya unyuze hano
